ក្នុងបរិបទអប់រំនាពេលបច្ចុប្បន្នដែលកំពុងមានការវិវត្តរហ័ស បច្ចេកវិទ្យាមានតួនាទីសំខាន់ក្នុងការប្រែប្រួលរបៀបដែលគ្រូបង្រៀនបន្តអភិវឌ្ឍវិជ្ជាជីវៈរបស់ខ្លួន។ ដោយមានការចូលមកនៃការសិក្សាបែបចម្រុះ(Blanded Learning) គ្រូបង្រៀនមានឱកាសក្នុងការលើកកម្ពស់ជំនាញ និងចំណេះដឹងរបស់ខ្លួន ដោយមិនចាំបាច់មានការចូលរួមថ្នាក់សិក្សាផ្ទាល់តាមបែបបុរាណទៀតទេ។ វិធីសាស្រ្តដែលមានភាពបត់បែននេះ អនុញ្ញាតឲ្យគ្រូបង្រៀនអាចរៀនតាមល្បឿន និងសមត្ថភាពរបស់ខ្លួន ធ្វើឲ្យការសិក្សាទៀងទាត់កាន់តែងាយស្រួល និងមានប្រសិទ្ធិភាព។
ការសិក្សាតាមបែបចម្រុះផ្តល់នូវធនធានតាមអនឡាញជាមួយនឹងការជួបជុំផ្ទាល់ជាកម្រិតបន្តិចបន្តួច ដើម្បីបង្កើតបរិយាកាសសិក្សាដែលមានតុល្យភាព និងប្រសិទ្ធិភាព។ តាមរយៈវិធីសាស្រ្តនេះ គ្រូបង្រៀនអាចចូលរួមសកម្មភាពអភិវឌ្ឍវិជ្ជាជីវៈជាទៀងទាត់ អាចបន្តទាន់សម័យជាមួយយុទ្ធសាស្រ្តបង្រៀនថ្មីៗ និងបន្លាស់បន្លុយវិធីសាស្រ្តបង្រៀនរបស់ខ្លួនឲ្យកាន់តែប្រសើរ។ លើសពីនេះទៅទៀត គ្រូដែលមានឆន្ទៈបន្តអភិវឌ្ឍវិជ្ជាជីវៈរបស់ខ្លួនអាចជ្រៅជ្រោងចំណេះដឹងឯកទេសក្នុងវិស័យដូចជាការសមាហរណកម្មមុខវិជ្ជា ដែលជាជំនាញសំខាន់ក្នុងការលើកកម្ពស់ការរៀនផ្តោតលើការរួមបញ្ចូលមុខវិជ្ជា និងការគិតវិភាគរបស់សិស្ស។
បច្ចេកវិទ្យាចូលក្នុងការបណ្តុះបណ្តាលគ្រូ គឺជារបៀបមួយដែលគាំទ្រដល់ការរៀនឆ្លងកាត់ជីវិត និងផ្តល់អំណាចឲ្យគ្រូបង្រៀនអាចបំពេញតម្រូវការជាច្រើននៃថ្នាក់រៀនសម័យទំនើប(សមាហរណកម្មមុខវិជ្ជា)។ តាមរយៈការទទួលយកការសិក្សាបែបចម្រុះ គ្រូអាចស្ថិតនៅលើមាគ៌ាទាន់សម័យ ឯកទេស និងមានភាពច្នៃប្រឌិតក្នុងវិជ្ជាជីវៈរបស់ខ្លួន។