“តាមរយៈការអនុវត្តកន្លងមក ខ្ញុំបាទសង្កេតឃើញថាសិស្សរបស់ខ្ញុំមានការចូលរូមក្នុងការសិក្សា
ច្រើនជាងមុន ព្រោះពួកគាត់ស្វែងយល់ជាមុនតាមរយៈវីដេអូអន្ត ឬវីដេអូពិសោធន៍ផ្សេងៗ ថែមទាំងមានសន្លឹកកិច្ចការអនុវត្ត ងាយស្រួលធ្វើ អាចរៀនបានគ្រប់ទីកន្លែង និងចំណេញពេលវេលា។” (Nhoun Seyhak, personal communication, n.d.)
បើទោះបីជាបានទទួលបានការណ្តុះបណ្តាលស្តីអំពី “ការអភិវឌ្ឍវិជ្ជាជីវៈជាប្រចាំសម្រាប់គ្រូបង្រៀនលើការ អប់រំស្ទែម” តាំងពីឆ្នាំ២០២៣មែនពិត ក៏ទូតសុឆន្ទៈស្ទែម( STEM Ambassadors) នៅតែបន្តអនុវត្ត ចំណេះដឹងដែលខ្លួនបានរៀនសូត្រទៅក្នុងការអនុវត្តការបង្រៀនជាក់ស្តែង ទាំងការប្រើប្រាស់វិធីសាស្រ្ត បង្រៀន ការដឹកនាំសិស្សពិសោធ និងអនុវត្តគំរូថ្នាក់រៀនត្រលប់( Flipped Learning )។
លោកគ្រូ ញោន សីហាក់ ជាគ្រូបង្រៀនកម្រិតឧត្តម ឯកទេសវិទ្យាសាស្រ្ត នៃវិទ្យាល័យខ្សាច់ស ក្នុងខេត្ត តាកែវ បានលើកឡើងតាមរយៈរបាយការណ៍ផ្ទាល់ខ្លួនរបស់ទូតសុឆន្ទៈស្ទែមថា លោកគ្រូទទួលបានជោគ ជ័យក្នុងការបង្រៀនតាមគំរូថ្នាក់រៀនត្រឡប់ លោកគ្រូបានស្វែងយល់អំពីកម្មវិធីសិក្សាលំអិត មុនធ្វើកិច្ចតែងការបង្រៀន រៀបចំតេស្តនិងផែនការរង្វាយតម្លៃដោយផ្តោតលើលទ្ធផលរំពឹងទុកនៃមេរៀន ជាពិសេសការបង្កើតវីដេអូគោលគំនិតផ្តល់ឱ្យសិស្សបានសិក្សាមុនពេលមកដល់ក្នុងថ្នាក់។ សិស្សបានផ្តោតលើខ្លឹមសារមេរៀនច្រើនជាមុនព្រោះគ្រូបានផ្តល់សន្លឹកកិច្ចការ។ សិស្សមានពេលវេលាច្រើន ជាងមុននៅក្នុងថ្នាក់ដើម្បីវិភាគលើខ្លឹមសារមេរៀន ពន្យល់មិត្តភក្តិក្នុងក្រុមតូច និងដើរតួជាអ្នកពន្យល់ដ៏ល្អ ពួកគេមិនមែនមករៀនដោយគ្រាន់តែអង្គុយស្តាប់គ្រូតែម្យាងទៀតទេ គឺមានការចូលរួមយ៉ាងសកម្ម។